निसर्गाचं बी
पेरायचंय मला माझ्या मनात
व्यापून टाकायचंय मन
पंचतत्वांनी
बनायचंय मला
निसर्गाचा आविष्कार
त्याचं नितळ रूप
आरसपानी
होऊ दे मनाला
कोवळ्या पालवीसारखं हिरवं
आकाशासारखं निळं, पाण्यासारखं तरल
उजळून जाऊ देत मन
कोवळ्या किरणांनी
बनू देत मनाला
पिंपळाचं पान, कोकिळेची तान
बहरून जाऊ देत मन
बहाव्याच्या फुलांनी
मनात उमटोत माझ्या
इंद्रधनूचे सप्तरंग
भरून जावो मनाचा आसमंत
जादुई सप्तसुरांनी
मग ते होईल असा आरसा
की देवीही थांबेल क्षणभर
तिचं रूप न्याहाळायला
कौतुकानी
No comments:
Post a Comment