वादळ

एक सागर एक वादळ

भरकटलेली एक नाव

दूर कोठे केव्हा तरी

मागे राहिला एक गाव

एक गाव एक किनारा

एक घर माझे माझे

माणसं माझी नाती माझी

माती ओली माझी माझी

स्वप्न नवे क्षितिज नवे

पैल तीरी पैल तीरी

स्वप्न माती क्षितिज नाती

पिंगा पिंगा फेर धरी

क्षितिजापल्याड स्वप्नांसाठी

मागे सोडला एक गाव

इंद्रधनूच्या पायथ्यासाठी

जीवघेणी एक धाव

वादळ वारा स्वप्न पारा

भरकटलेली एक नाव

हरवलेला धृव तारा

नाही ठाव नाही ठाव

माझं जग माझी माणसं

दूर तेथे ऐल तीरी

स्वप्न माती क्षितिज नाती

पिंगा पिंगा फेर धरी

-अमृता